| | | | |
| | Հոդված 6 | Դրամարկղայինի օրենքով իրացման վրա սահմանփակումը 3մլն, դա ներառում է արդյոք ՀԴՄ-ով իրացումը: |
«Դրամարկղային գործառնությունների մասին» ՀՀ օրենքի 6-րդ հոդվածի 1-ին մասի «դ» ենթակետով սահմանափակում սահմանված է մեկ ամսվա ընթացքում ապրանքների (հիմնական միջոցների, ոչ նյութական ակտիվների և այլ ակտիվների), ծառայությունների, աշխատանքների դիմաց կանխիկ վճարումների ընդունման համար` բացառությամբ մանրածախ առևտրի և ծա-ռայությունների ոլորտում անհատ ձեռնարկատեր չհանդիսացող ֆիզիկական անձանցից ընդունվող վճարումների:
|
| | Հոդված 4 | Պատվերի սրահում, պատվիրատուի կողմից տրված կանխավճարը ինչպես ձևակերպել ՀԴՄ-ով թե Դրամարկղի մուտքի օրդերով: |
Անհրաժեշտ է ղեկավարվել «Հսկիչ-դրամարկղային մեքենաների կիրառման մասին» ՀՀ օրենքով:
|
| | Հոդված 6 | ՍՊԸ ապրանքներ է առաքում հանրապետության մարզերի Ա/Ձ և այլ կազմակերպություններ, որոնք հնարավորություն չունեն անկանխիկ վճարել կամ չկա վստահություն, որ կմարեն պարտավորությունը: Ինչպես վարվել հետևյալ դեպքում ըստ դրամարկղի օրենքի սահմանափակման: |
Անհրաժեշտ է առաջնորդվել «Դրամարկղային գործառնությունների մասին» ՀՀ օրենքի 6-րդ հոդվածի 1-ին կետի դրույթներով գ) և դ) ենթակետերով և նույն հոդվածի 3-րդ կետով սահմանված չափանիշներով:
|
| | Հոդված 12 | Մանրածախ ատևտրի և ծառայությունների ոլորտում անհատ ձեռնարկատեր չհանդիսացող ֆիզիկական անձանցից միանվագ գործարքների դիմաց ընդունվող վճարման չափը գերազանցել է 3.0 մլն դրամը: Այս դեպքում սահմանափակումը չպահպանելու համար պատասխանատվություն միջոցները կկիրառվեն 3.0 մլն դրամը գերազանցող մասի նկատմամբ, թե 300.0հազար դրամը գերազանցող մասի նկատմամբ: |
Անհրաժեշտ է առաջնորդվել «Դրամարկղային գործառնությունների մասին» ՀՀ օրենքի 12-րդ հոդվածի 1-ին կետի դրույթներով, համաձայն որի` կանխիկ դրամով վճարումների կատարման և (կամ) ընդունման նկատմամբ սույն օրենքի 6-րդ հոդվածով սահմանված սահմանափակումները չպահպանելու դեպքում գանձվում է տուգանք՝ կանխիկ դրամով վճարումների կատարման և (կամ) ընդունման թույլատրված չափը գերազանցող գումարի (խախտման գումար) 5 տոկոսի չափով, բայց ոչ պակաս, քան սահմանված նվազագույն աշխատավարձի հինգհարյուրապատիկը և ոչ ավելի, քան սահմանված նվազագույն աշխատավարձի երկուհազարապատիկը:
|
| | Հոդված 6 | Հիմնադիրը տրամադրել է փոխառություն առանց տոկոսի: Կանխիկ գումարը վերադարձնելիս սահմանափակում կա թե ոչ: |
Անհրաժեշտ է ղեկավարվել ՀՀ ԿԱ ՊԵԿ 2012թ.-ի N 8 պաշտոնական պարզաբանման 1-ին կետի 1ին ենթակետով, ըստ որի Օրենքի 6-րդ հոդվածի 1-ին մասով սահմանված առավելագույն չափերը` չեն կիրառվում ապրանքների մատակարարում, ծառայությունների մատուցում և (կամ) աշխատանքների կատարում չհամարվող գործարքների (մասնավորապես, փոխառությունների տրամադրման, ընդունման, հետ վերադարձման, շահաբաժինների բաշխման, ստացման, անհատույց գումարների տրամադրման, ստացման և դրամական պահանջի իրավունքի գնման գործառնությունների) նկատմամբ:
|
| | Հոդված 12 | Դրամարկղային գործառնությունների օրենքի փոփոխությամբ տուգանքի առավելագույն շեմը` 2.0 մլն դրամ, պետք է հասկանալ ամիսը` 2.0 մլն, թե տարեկան: |
Անհրաժեշտ է ղեկավարվել «Դրամարկղային գործառնությունների մասին» ՀՀ օրենքի 12-րդ հոդվածի դրույթներով, համաձայն որի` տուգանքը կիրառվում է կանխիկ դրամով վճարումների կատարման և (կամ) ընդունման նկատմամբ օրենքի 6-րդ հոդվածով սահմանված սահմանափակումները չպահպանելու դեպքում:
|
| | Հոդված 6 | Կանխիկ դրամական գործառնությունի սահմանափակումը ֆիզիկական անձանց դեպքում |
Անհրաժեշտ է ղեկավարվել «Դրամարկղային գործառնությունների մասին» ՀՀ օրենքի 6-րդ հոդվածի 1-ին կետի դրույթներով գ) և դ) ենթակետերով և նույն հոդվածի 3-րդ կետով:
|
| | Հոդված 4 | Ապրանքների վաճառքից և ծառայությունների մատուցումից ստացվող գումարները, որոնք կազմակերպության բանկային հաշվին մուտք են եղել ԱՁ կարգավիճակ ունեցող ֆիզիկական անձի անունից, բայց ոչ նրա հաշվարկային հաշվին, ստացող կազմակերպության համար համարվում է արդյոք առհաշիվ անձի միջոցով ստացված գումար:Դրամարկղային գործառնության մասին օրենքի սահմանափակումները տարածվում է նման գործարքների վրա: |
Անհրաժեշտ է առաջնորդվել «Դրամարկղային գործառնությունների մասին» ՀՀ օրենքի 4-րդ հոդվածի դրույթներով, համաձայն որի` առհաշիվ տրված կանխիկ դրամը դա գործուղման կամ կազմակերպության անունից վճարումներ կատարելու նպատակով կազմակերպության աշխատակիցներին կամ կառավարման մարմիններում ներգրավված անձանց տրված կանխիկ դրամն է: |
| | Հոդված 6 | Կազմակերպությունը կանխիկ եղանակով ապրանք է ձեռք բերել, որի արժեքը գերազանցել է 300.0 հազ. դրամը: Կազմակերպությունը խախտել է արդյո՞ք «Դրամարկղային գործառնությունների մասին» ՀՀ օրենքի դրույթները: |
Կազմակերպությունը խախտել է «Դրամարկղային գործառնությունների մասին» ՀՀ օրենքի դրույթները, քանի որ համաձայն սույն օրենքի 6-րդ հոդվածի, մեկ ամսվա ընթացքում ապրանքների (հիմնական միջոցների, ոչ նյութական ակտիվների և այլ ակտիվների), ծառայությունների, աշխատանքների գնումների դիմաց կանխիկ դրամով վճարման գումարի առավելագույն չափը մեկ գործարքի համար կազմում է 300.0 հազ. դրամ, իսկ ամսվա ընթացքում 3.0 մլն. դրամ:
|
| | Հոդված 2 | Անհատ ձեռնարկատերերը դրամարղկի գրքեր վարու՞մ են, թե՞ ոչ: |
«Դրամարկղային գործառնությունների մասին» ՀՀ օրենքը տարածվում է Հայաստանի Հանրապետության տարածքում գործող իրավաբանական անձանց, ԱԱՀ վճարող համարվող անհատ ձեռնարկատերերի, պետական և այլ հիմնարկների, դրանց՝ Հայաստանի Հանրապետության տարածքում գործող առանձնացված ստորաբաժանումների (մասնաճյուղերի, ներկայացուցչությունների), օտարերկրյա կազմակերպությունների՝ Հայաստանի Հանրապետության տարածքում գործող առանձնացված ստորաբաժանումների (մասնաճյուղերի, ներկայացուցչությունների) (այսուհետ՝ կազմակերպություններ) վրա:
|