20 հունվարի 2022
Նախատեսվում է բարձրացնել հարկային վարչարարության արդյունավետությունը
Նախագծով փոխվելու է հարկային մարմնի կողմից իրականացվող թեմատիկ ստուգման անվանումը

Հունվարի 20-ին ՊԵԿ նախագահի տեղակալ Արթուր Մանուկյանն առաջին ընթերցմամբ պատգամավորների քննարկմանն է ներկայացրել «ՀՀ հարկային օրենսգրքում փոփոխություններ եւ լրացում կատարելու մասին» եւ «Պետական տուրքի մասին» ՀՀ օրենքում լրացում կատարելու մասին» օրենսդրական փաթեթը: 

Նախաձեռնության  հիմնական նպատակն է բարձրացնել հարկային վարչարարության արդյունավետությունը՝ ապահովելով պատշաճ վերահսկողություն պետական տուրքի հաշվարկման եւ գանձման նկատմամբ: Նախագծով փոխվելու է հարկային մարմնի կողմից իրականացվող թեմատիկ ստուգման անվանումը, որը չի համապատասխանում այն գործունեության տեսակին կամ հարկատեսակին, որով այդ գործունեությունն իրականացվում է: Սա հնարավորություն կտա հարկային մարմնին` օգտագործելու իր գործիքակազմը:

Այս փոփոխություններով որեւէ մեկի վրա որեւէ հարկային բեռ կամ լրացուցիչ պարտավորություն  չի ավելանում:

Մանրամասները՝ տեսանյութում: