19 հունվարի 2022
ՊԵԿ նախագահն ԱԺ-ում ներկայացրել է «ՀՀ հարկային օրենսգրքում փոփոխություններ ԵՎ լրացումներ կատարելու մասին» օրենքի նախագիծը
Հարկային մարմին-հարկ վճարող շփումն ամբողջությամբ կտեղափոխվի էլեկտրոնային հարթակ

ՊԵԿ նախագահ Ռուստամ Բադասյանն այսօր Ազգային ժողովում առաջին ընթերցմամբ քննարկման է ներկայացրել «Հայաստանի Հանրապետության հարկային օրենսգրքում փոփոխություններ և լրացումներ կատարելու մասին» ՀՀ օրենքի նախագիծը։ 

Նախագծով առաջարկվում է հարկային մարմին-հարկ վճարող շփումն իրականացնել բացառապես էլեկտրոնային եղանակով։ Անձնական գրասենյակի միջոցով հարկ վճարողները կստանան ՊԵԿ-ի վարչարարության արդյունքում ձևավորված փաստաթղթերը և նույն հարթակի միջոցով կկարողանան բացատրություններ ներկայացնել ՊԵԿ ծանուցումների առնչությամբ: 

Նախագծի ընդունման դեպքում էականորեն կկրճատվի հարկային ստուգումների և ուսումնասիրությունների վարչարարության ժամկետը։

Նախատեսվում է նաև ստեղծել ուսումնասիրության առանձին տեսակ: Հարկային մարմինը կլիազորվի բացառապես վերլուծության արդյունքների հիման վրա առաջացած կոնկրետ ռիսկերի գծով հարկ վճարողների մոտ իրականացնել ուսումնասիրություն և դրա արդյունքում առաջադրել համապատասխան հարկային պարտավորություններ:
Օրենսդրական նախաձեռնության նպատակն է բարձրացնել հարկային վարչարարության արդյունավետությունը՝ ապահովելով հարկային կարգապահություն:

Մանրամասները՝ տեսանյութում: