20 նոյեմբերի 2009
«Առանց էլեկտրոնային կառավարման համակարգի հեռանկար չունենք». ՊԵԿ նախագահ Գագիկ Խաչատրյանի հիշեցումն է
ՀՀ պետեկամուտների կոմիտեում էլեկտրոնային կառավարման համակարգի ձԵՎավորման ու կայացման գործընթացը համակարգի ղեկավար Գագիկ Խաչատրյանի անմիջական ուշադրության ԵՎ վերահսկողության կենտրոնում է. «Այն, որ այս ծրագիրն իրականություն է դառնալու, դրանում ոչ ոք չպետք է կասկածի:
ՀՀ պետեկամուտների կոմիտեում էլեկտրոնային կառավարման համակարգի ձևավորման ու կայացման գործընթացը համակարգի ղեկավար Գագիկ Խաչատրյանի անմիջական ուշադրության և վերահսկողության կենտրոնում է. «Այն, որ այս ծրագիրն իրականություն է դառնալու, դրանում ոչ ոք չպետք է կասկածի: Փոխարենը պետք է հետևողական լինենք, որպեսզի մեր առջև դրված նպատակն իրագործվի նախանշված ժամկետներում»:

ՀՀ ԿԱ ՊԵԿ նախագահի հրամանով ստեղծվել է էլեկտրոնային կառավարման համակարգի բարեփոխման խորհուրդ:  Հաստատված կազմում ընդգրկված են ոչ միայն պետեկամուտների կոմիտեի աշխատակիցները, այլ նաև ՀՀ վարչապետի խորհրդականը, Էկոնոմիկայի և Ֆինանսների նախարարությունների, Կենտրոնական բանկի ներկայացուցիչները:

Բացի այդ, էլեկտրոնային կառավարման համակարգի ներդրման և համապատասխան տեխնիկական առաջադրանքների մշակման նպատակով ստեղծվել են մասնագիտացված աշխատանքային խմբեր 18 ուղղություններով, որոնցից են` «Հարկատու-3»-ի հիման վրա ստանդարտ հաշվետվությունների կազմման ավտոմատ համակարգի ստեղծումը, երրորդ անձանց տեղեկությունների մշակումը, հարկ վճարողների սպասարկումը ,կամերալ հսկողության ավտոմատացված ծրագրի մշակումն ու ներդնումը, անձնական հաշվի քարտերի ավտոմատացված վարումը, ԱԱՀ հատուկ հաշիվների խաչաձև ստուգումը, հարկ վճարողների հաշվառման «Ամփոփ դարան»-ի ստեղծումը, էլեկտրոնային հարկային հաշվետվությունների ընդունումն ու մշակումը և այլն:

Խորհրդի առաջին նիստում` հոկտեմբերի 5-ին, մի շարք այլ հարցերի հետ հավանություն է տրվել ՀՀ ԿԱ ՊԵԿ էլեկտրոնային կառավարման համակարգի ներդրման 2009-2011թթ հայեցակարգի նախագծին:

Խորհրդի հերթական նիստում պետեկամուտների կոմիտեի նախագահ Գագիկ Խաչատրյանը լսել է աշխատանքային խմբերի ղեկավարներին: Վերջիններս ներկայացրել են տվյալ ժամանակահատվածում  կատարված աշխատանքը և մատնանշել առաջացող խնդիրները:

Ընդհանուր առմամբ լուրջ արդյունք է արձանագրվել: Նաև օրենսդրական դաշտում առաջացող խնդիրների լուծման տարբերակ է առաջարկվել. եթե աշխատանքի ընթացքում օրենսդրական որևէ խնդիր է առաջանում, ապա դա անմիջապես հաշվի է առնվում և համապատասխանեցվում ծրագրին: Այսինքն` արվում է առավելագույնը, որպեսզի ծրագիրն արդյունավետ լինի, արդյունքում և' օրենսդրական սողանքներն են շտկվում, և' չարաշահումները բացառվում: Բացի այդ, որոշակի չափանիշներ մշակելու համար հարցում է արվել տարածքային հարկային տեսչություններ. դա նշանակում է, որ ծրագիրը նախատեսելու է բոլոր այն իրավիճակները, որոնք հնարավոր է ի հայտ գան արդեն գործնական փուլում:

«Դժվար է, բայց ծրագիրը պետք է իրականություն դառնա, այլապես հեռանկար չենք ունենա»,- համակարգի ղեկավարի հիշեցումն է աշխատանքային խմբերի ղեկավարներին:

Քաղաքի կենտրոնում` ՊԵԿ-ին կից, գործում է սպասարկման կենտրոն` հարկային հաշվետվությունները էլեկտրոնային եղանակով ներկայացնել ցանկացող հարկ վճարողների համար: Գործընթացը պետական եկամուտների կոմիտեում առաջ է ընկել, և ԱԺ-ն  արդեն ընդունել է էլեկտրոնային  հաշվետվողականության  վերաբերյալ օրենսդրական փաթեթ, որը շուտով ուժի մեջ կմտնի:

ՊԵԿ-ն արդեն այսօր ունի  էլեկտրոնային եղանակով ներկայացվող հաշվետվությունների  ընդունման հնարավորություն: Բոլոր ցանկացողները կարող են այցելել մեր կենտրոն և ստանալ անհրաժեշտ  խորհրդատվություն, քանի որ 2010 թվականից հաշվետվություններն էլեկտրոնային տեսքով  ներկայացնելը պարտադիր կլինի հարկ վճարողների որոշ խմբերի համար, ինչպիսիք են, օրինակ, բանկերը, վարկային կազմակերպությունները, արժեթղթերի շուկայի մասնակիցները, խոշոր կազմակերպությունները, նախորդ տարվա արդյունքներով 100մլն դրամը գերազանցող շրջանառություն ունեցող պետական,  կառավարչական հիմնարկները, պետական ոչ առևտրային հիմնարկները, 50 տոկոս և ավելի բաժնեմաս ունեցող ընկերությունները: Էլեկտրոնային հաշվետվությունների սպասարկման կենտրոնն իրականացնում է էլեկտրոնային եղանակով հաշվետվությունները հարկային մարմին ներկայացնելու պայմանագրի կնքման, համապատասխան էլեկտրոնային ծածկագրերի տրամադրման աշխատանքները:

Սակայն առայժմ քչերն են օգտվում ընձեռած հնարավորությունից, բայց նրանց համար, ովքեր ընտրել են այդ ուղին, առավելություններն ակնհայտ են. էլեկտրոնային հաշվետվողականությանն անցնելը, որը հանդիսանում է էլեկտրոնային կառավարման մի տարր,  հարկային մարմին-հարկ վճարող հարաբերությունների թափանցիկության ապահովման շարունակական գործընթացի հերթական քայլերից է: