22 հոկտեմբերի 2022
ՊԵԿ մաքսային ծառայողները «CLiKC!»-ում կանցնեն մասնագիտական վերապատրաստում
Դասընթացները կհամակարգի ՊԵԿ Ուսումնական կենտրոնը

Պետական եկամուտների կոմիտեի մաքսային ծառայողները կարող են ոլորտային գիտելիքներն ամրապնդել Համաշխարհային մաքսային կազմակերպության՝ մասնագիտացված «CLiKC!» ուսուցման հարթակում: Առցանց դասընթացներն անվճար են, ապահովում են թեման իրացնելու առավելագույն արդյունավետություն, այդ թվում՝  ուսուցման ինտերակտիվ մեթոդներ, հարցուպատասխան, մասնագիտական տեսակետների ներկայացում, վիկտորինաներ. դասերի չընդհատվող տևողությունը 2-6 ժամ է։  
ՊԵԿ «Ուսումնական կենտրոնում»  ուսուցման հարթակի շնորհանդեսն էր։

Հարթակում գրանցվելու համար պարտադիր պայման է՝ մուտքագրել պաշտոնական էլեկտրոնային հասցեն:
«CLiKC!» հարթակն ունի հազարավոր ուսանողներ. հասանելի է Համաշխարհային մաքսային կազմակերպության անդամ երկրներին, ունի 183 ազգային կորդինատոր: 

Մաքսային համակարգի զարգացման գործում կարևորելով Տվյալների վերլուծությունը CLiKC!-ն առաջադրում է 3 մոդուլ՝ սկսնակ, միջին ու բարձր մակարդակի։ Բոլոր մաքսային ծառայողներին առաջարկվում է առնվազն ծանոթանալ սկսնակ կուրսին։
«CLiKC!»-ի աշխատանքները կհամակարգի ՊԵԿ Ուսումնական կենտրոնը, որը նախատեսում է ստեղծել ազգային e-learning հարթակ, աշխատանքներ կտարվեն նաև «CLiKC!»-ն ինտեգրելու մասով. հնարավորության դեպքում կապահովվի որոշ դասընթացների թարգմանություն։

Ինտերակտիվ, բազմալեզու ու մասնագիտացված դասընթացներով վերապատրաստված մասնակիցները գիտելիքները կկիրառեն գործնականում՝ նպաստելով մաքսային վարչարարության որակի բարձրացմանը:

Մանրամասները՝ տեսանյությում: