2009թ.-ի հունվարի 1-ից փետրվարի 16-ի դրությամբ հարկային ծառայության «թեժ գծով» ՀՀ ԿԱ պետական եկամուտների կոմիտե է զանգելմոտ 5000 քաղաքացի: Զանգերի կեսից ավելին կազմել են հարցումները` հանրապետությունում առաջին անգամ ՀԴՄ  կտրոններով վիճակահանության անցկացման կարգի վերաբերյալ կամ  առնչվել են այլ գերատեսչությունների գործունեությանը: Վերջիններիս տրվել է համապատասխան ուղղորդում:

Մասնագիտական մեկնաբանություն կամ պարզաբանում է տրվել հարցերի մի ստվար հատվածի, որոնք առնչվել են  օրենսդրական վերջին փոփոխություններին:

ՀԴՄ-ների կիրառման կանոնների խախտումների վերաբերյալ ստացված զանգերի թիվը հասել է 568-ի: Քաղաքացիներն իրենց պատրաստակամությունն են հայտնել գործընթացին  աջակցելու հարցում և արձանագրել են բոլոր տեսակի խախտումները:

Հարկային մարմիններում գրանցման ընթացակարգերին, հաշվապահական ձեւակերպումներին եւ մեթոդաբանությանը վերաբերող զանգերը ուղղորդվել են տարածքային հարկային տեսչություններ:

Ֆինանսական հետեւանքներ պարունակող հարցերին տրվել են գրավոր, իսկ պարզաբանման անհարժեշտություն ունեցող բողոքներին` բանավոր պատասխաններ: