2013թ. մայիսի 15-17-ին Մոսկվայում կայացել է Տնտեսական համագործակցության և զարգացման կազմակերպության (ՏՀԶԿ) Հարկային վարչարարության ֆորումի 8-րդ նիստը, որին մասնակցել է ՀՀ ԿԱ ՊԵԿ պատվիրակությունը` ՊԵԿ նախագահի առաջին տեղակալ Ա.Ալավերդյանի գլխավորությամբ:

Նիստի շրջանակներում մասնակիցները քննարկել են հարկային վարչարարության ոլորտում համագործակցության առաջնահերթ հարցերը,  մասնավորապես, հարկային օրենսդրության պահպանմանն ուղղված աշխատանքների կատարելագործման, անդրազգային ընկերությունների կողմից հարկային օրենսդրության պահպանման և հարկային բեռի ավելացմանն, օֆշորների միջոցով հարկերից խուսափելու դեմ պայքարին, տեղեկատվության փոխանակմանը և թափանցիկության բարձրացմանը, հարկային բազայի քայքայմանը և շահույթի դուրս հանման դեմ պայքարին առնչվող հարցեր:

Հարկային վարչարարության ֆորումը ստեղծվել է 2002թ.-ին ՏՀԶԿ-ի նախաձեռնությամբ` նպատակ ունենալով զարգացնել երկխոսությունը և փորձի փոխանակությունը առաջատար երկրների հարկային մարմինների միջև, ինչպես նաև ազդեցություն ցուցաբերել հարկային բնագավառում համաշխարհային միտումների և հարկային վարչարարության նոր եղանակների ձևավորման վրա: Ներկայումս Ֆորումի անդամներ են հանդիսանում հարկային մարմիններ 44 երկրներից, ներառյալ ՏՀԶԿ-ին անդամակցող 20 երկրները: