2013թ. փետրվարի 25-ին Երևանում մեկնարկել են բանակցություններ՝ Հայաստանի և Գերմանիայի միջև կրկնակի հարկումը բացառելու մասին միջպետական համաձայնագրի կնքմանը նախապատրաստելու նպատակով: Համաձայնագրի շուրջ տեղի ունեցող բանակցություններին հայկական կողմից մասնակցում են ՀՀ ԿԱ պետական եկամուտների կոմիտեի և ՀՀ ֆինանսների նախարարության ներկայացուցիչները: 

Բանակցությունների արդյունքում կնախաստորագրվի «Հայաստանի Հանրապետության և Գերմանիայի Դաշնային Հանրապետության միջև եկամուտների և գույքի կրկնակի հարկումը բացառելու և հարկումից խուսափելը կանխելու մասին» համաձայնագիրը, որն ուժի մեջ կմտնի երկու պետություններում համապատասխան ներպետական ընթացակարգերն անցնելուց հետո:

Համաձայնագիրը նպատակ ունի երկու պետությունների միջև արտաքին առևտրում բացառել կրկնակի հարկումը, թույլ չտալ հարկային խտրականություն կողմերի տնտեսվարող սուբյեկտների նկատմամբ, հաստատել համագործակցություն երկու պետությունների հարկային մարմինների միջև, այդ թվում՝ հարկային հարցերով տեղեկատվության փոխանակությունը: Նշված համաձայնագրի կնքումը կնպաստի Հայաստանի և Գերմանիայի միջեւ ապրանքաշրջանառության ընդլայնմանը և տնտեսական կապերի զարգացմանը: