2014թ. նոյեմբերի 10-ից 13-ը Երևանում կայացել է Հայաստանի և Իսրայելի միջև եկամուտների և գույքի կրկնակի հարկումը բացառելու մասին միջկառավարական համաձայնագրի կնքումը նախապատրաստելու նպատակով իրականացվող բանակցությունների երկրորդ փուլը: Հայկական կողմից բանակցություններին մասնակցել են ՀՀ ֆինանսների նախարարության միջազգային համագործակցության վարչության ներկայացուցիչները:

Համաձայնագիրը նպատակ ունի երկու պետությունների միջև արտաքին առևտրում բացառել կրկնակի հարկումը, թույլ չտալ հարկային խտրականություն կողմերի տնտեսվարող սուբյեկտների նկատմամբ, հաստատել համագործակցություն երկու պետությունների հարկային մարմինների միջև, այդ թվում՝ հարկային հարցերով տեղեկատվության փոխանակման բնագավառում: Կրկնակի հարկումը բացառելու վերաբերյալ համաձայնագրի կնքումը հնարավորություն կընձեռի աջակցել Հայաստանի և Իսրայելի միջև ապրանքաշրջանառության ընդլայնմանը, կնպաստի տնտեսական կապերի զարգացմանը:
Ներքին ընթացակարգերն անցնելուց հետո համաձայնագիրն ուժի մեջ կմտնի երկու երկրներում: