Լատվիայի և Հայաստանի հարկային մարմինների համագործակցության սերտացման համատեքստում ՀՀ ֆինանսների նախարար Գագիկ Խաչատրյանը և Լատվիայի Հանրապետության պետական եկամուտների ծառայության գլխավոր տնօրեն Ինարա Պետերսոնեն համաձայնագիր են ստորագրել` եկամուտների և կապիտալի հարկման առնչությամբ փոխադարձ վարչական աջակցության և տեղեկատվության փոխանակման լիազոր մարմնի մասին: Լատվիայի պատվիրակությունը Հայաստանում էր սեպտեմբերի 25-ին անցկացվող ԱՊՀ անդամ պետությունների հարկային ծառայությունների ղեկավարների համակարգող խորհրդի 21-րդ նիստի շրջանակում` հատուկ հյուրի կարգավիճակով: Ստորագրված համաձայնագրի շնորհիվ նոր մակարդակի կբարձրանա երկու երկրների միջև տեղեկատվության էլեկտրոնային փոխանակումը, իսկ եկամուտների ու կապիտալի հարկման առնչությամբ վարչական աջակցություն ցուցաբերելու առավել լայն հնարավորություններ կստեղծվեն: