2014թ. ապրիլի 17-ից 18-ը Մինսկում` ԱՊՀ Գործադիր կոմիտեում կայացել է ԱՊՀ անդամ պետությունների հարկային (ֆինանսական) հետաքննության  մարմինների ղեկավարների համակարգող խորհրդի (ՀՀՄՂՀԽ) քարտուղարության նիստը, որին մասնակցել են նաև ՀՀ ԿԱ ՊԵԿ ներկայացուցիչները:

Նիստի շրջանակներում մասնակիցները քննարկել են ՀՀՄՂՀԽ 15-րդ նիստում ընդունված որոշումների կատարման ընթացքը, մասնավորապես՝ ՀՀՄՂՀԽ նոր խմբագրությամբ կանոնակարգի և փորձագետների աշխատանքային խմբերի գործունեության կարգը, «Հանցավորության դեմ պայքարի համատեղ միջոցառումների 2014-2018թթ. ԱՊՀ անդամ երկրների միջպետական ծրագրի» կատարման ընթացքը,  տնտեսվարող սուբյեկտների մոտ ժամկետանց արտաքին դեբիտորական պարտքի ձևավորմանը նպաստող հանցավոր սխեմաների դեմ պայքարի խնդիրները, Երևանում 2014թ. հոկտեմբերի 9-ին կայանալիք հերթական` 16-րդ նիստի անցկացման հետ կապված նախապատրաստական հարցերը: